¿POR QUE VOS PEDIMOS O VOSO APOIO NAS ELECCIÓNS SINDICAIS DO 20 DE XUÑO?
Como cada catro anos, chega o momento de celebrar as eleccións sindicais. A pesar de que a situación socioeconómica non é a mellor e de continuar arrastrando recortes da gran crise do 2010, pensamos que, grazas o esforzo e o traballo deste sindicato co apoio dos funcionarios de xustiza de Galicia alcanzáronse logros e metas que fai 4 anos parecían imposibles.
Todos xuntos fixemos posible unha serie de melloras que nos levaron a estar situados nos postos altos de retribucións a nivel estatal.
¿CÓMO SE TRADUCIU TODO ESTE TRABALLO A EFECTOS PRÁCTICOS?
Dende SPJ-USO cremos que é necesario realizar un balance previo do traballo realizado polo noso sindicato durante os últimos catro anos. Aquí vos deixamos unha mostra de algún deles:
- Desenvolvemento de todos os acordos asinados polo noso sindicato na folga do ano 2018, no que fomos decisivos para a execución dos mesmos.
- Implantación do primeiro acordo de carreira desde o ano 2020, grao 1, do que fomos os verdadeiros impulsores, xa que sen o noso aval como o sindicato (que aporta 80% da representación dos sindicatos asinantes) nunca se podería levar a efecto o mesmo.
- A durísima negociación directa como sindicato maioritario na comisión de seguimento e en facenda dos graos extraordinarios 1 e 2 da carreira.
- Solicitude de inmediata apertura da negociación dos grados ordinarios da carreira profesional.
- Negociación e implantación da nova bolsa de interinos, coa eliminación dos requisito que restrinxían o acceso.
- Impulsores da implantación da nova regulación das comisións de servizo, a pesares de todas as trabas postas por determinados sindicatos que se opoñían radicalmente a implantación deste sistema, anunciando un fracaso das comisións con escusas tan ridículas como que ían quedar vacantes a maioría das prazas. A realidade puxo a estes sindicatos no seu sitio. Gracias a nova regulación conseguiuse que moitos compañeiros e compañeiras de Galicia que estaban fóra puidesen traballar na nosa Comunidade.
- Negociación e modificación da nova orde de substitucións na que se conseguiu que se eliminara a penalización de 6 meses para solicitar unha nova substitución cando era cesado na anterior.
- Negociación en comisión de seguimento como sindicato maioritario da creación de 122 prazas en total de nova creación nos xulgados de Galicia. (36 no 2019, 34 no 2021 e 32 no 2022). Lembrade que estas prazas son produto do acordo derivado da folga.
Si polas xestións efectuadas polos sindicatos do “NON O ACORDO” fora, ningunha destas prazas se houbera creado. Tamén neste grupo podemos incluír algún dos asinantes dos acordos que coa súa desidia obrigaron a SPJ-USO a liderar en solitario toda a negociación para logo o final subirse o carro dos logros.
- Consecuencia tamén dos acordos derivados da folga conseguíronse mais de 100 reforzos para diferentes órganos de toda Galicia.
- Mellora de instalacións e acondicionamento de infraestruturas de edificios xudiciais e reclamación de deficiencias en moitos xulgados de Galicia.
- Conseguimos que se instalaran os primeiros desfibriladores nas sete grandes cidades de Galicia. Continuamos traballando para a súa total implantación en todos os edificios xudiciais da comunidade.
- Logramos que por fin se nomeen como tutores e se retribúa a formación dos compañeiros que exerzan como formadores sexa para instruír os novos compañeiros titulares ou interinos.
- Negociamos e asinamos o novo protocolo de acoso laboral no traballo, inexistente ata agora na xustiza Galega. Actualmente estase negociando o protocolo de acoso sexual.
- Estamos a traballar para que dunha vez por todas se repartan os portátiles para o teletraballo a todos os funcionarios que o precisen.
- Conseguimos que tanto o TSXG coma o CXPX fagan súa a nosa proposta para a implantación das gardas de Instruccción de 24 horas en Vigo e A Coruña.
MESAS DE NEGOCIACIÓN NAS QUE PARTICIPA SPJ-USO
Os acordos modifícanse, corrixense ou mellóranse mediante a súa sinatura e traballo sobre eles nas mesas de negociación e as súas comisións de seguimento… non impugnando nin ameazando con recursos por intereses persoais, como é práctica habitual de determinados sindicatos. É por iso , dende SPJ-USO apostamos por mellorar os acordos nas distintas comisións de seguimento, como xa fixemos no Acordo que rematou a folga: onde conseguimos reforzos, plans de recuperación, retribucións, xulgados de violencia, etc… E seguimolo facendo despois coa creación de 122 prazas de nova creación, consolidación de reforzos, etc.
Hoxe publícase no DOG a resolución pola que se establecen os permisos retribuídos de que poden gozar os electores a órganos de representación de persoal da Administración de xustiza en Galicia que exerzan o dereito de voto o vindeiro día 20 de xuño.
