Archivos de la categoría CONCURSO DE TRASLADOS

Instrucións concurso 2024-2 galicia:

1.Persoal procedente de fóra da Comunidade Autónoma de Galicia

• Fotocopia do DNI
• Cesamento
• Certificado ou copia dos trienios recoñecidos
• Ficha de recollida de datos (persoais e bancarios) 
• Fotocopia da tarxeta sanitaria onde conste o núm. de afiliación da Seguridade Social (unicamente para ingresos posteriores ao 01/01/2011) e fotocopia da tarxeta de MUXEXU
• Certificación das vacacións e días de asuntos particulares gozados no 2026 na Administración da que procedan. A certificación deberá indicar os días de vacacións e asuntos particulares correspondentes a 2024 que, de ser o caso, estean pendentes de desfrutar por razóns xustificadas. (Modelo 145 (IRPF )       

2.- Persoal con destino na Comunidade Autónoma de Galicia

• Fotocopia do DNI
• Ficha de recollida de datos (persoais e bancarios)

3.-Persoal que obtén destino fóra da Comunidade Autónoma de Galicia

O persoal que obteña un novo destino fóra da Comunidade Autónoma de Galicia, no momento de formalización do cesamento, deberá facer entrega da tarxeta de identificación persoal e control horario.

Tamén deberá facer entrega desta no caso de non ter que formalizar cesamento ningún por reingresar fóra da comunidade autónoma nun corpo distinto do que estaba a prestar servizos.

Así mesmo, no caso de contar coa tarxeta de identificación especial por razón do destino que viña desempeñando, deberá devolvela ao servizo de persoal correspondente.

Teléfonos das habilitacións (delegacións e direccións provinciais)

• A Coruña: 981 184 571
• Lugo: 982 294 311
• Ourense: 988 386 012
• Pontevedra:  986 817 003

4.- Substitucións e comisións de servizo

• O persoal funcionario titular que obtivo praza no concurso e está a desempeñar unha substitución ou comisión de servizos cesará nestas, na mesma data do cese no seu posto definitivo de orixe.
• O persoal funcionario titular que non obtivo praza no concurso e que está desempeñando unha substitución ou comisión de servizos en órganos desta comunidade autónoma nunha praza que non foi adxudicada no concurso, poderá continuar na substitución ou comisión de servizos.
  Así mesmo, poderá continuar na substitución ou comisión de servizos no caso de que a praza fose adxudicada pero o seu titular non se incorpore efectivamente, en tanto dure a dita situación.

5.- Cese do persoal interino.

O persoal funcionario interino cesará, de conformidade cos criterios previstos no artigo 18 da Orde do 6 de marzo de 2026 sobre selección e nomeamento de persoal interino para cubrir postos de persoal funcionario dos corpos xerais ao servizo da Administración de xustiza en Galicia.