Convocatoria proba en liña para a obtención do certificado de lingua galega 4 (Celga 4) no ano 2026 
RESOLUCIÓN do 8 de outubro de 2026, da Secretaría Xeral da Lingua, pola que se convoca a proba en liña para a obtención do Certificado de lingua galega 4 (Celga 4) no ano 2026 (código de procedemento PL500G).
O número de prazas dispoñibles para realizar a proba en liña do Celga 4 será duascentas (200).
Data de realización da proba: A proba terá lugar o 27 de novembro de 2026, sempre que ningunha circunstancia excepcional o impida.
Presentación de solicitudes: As persoas que desexen inscribirse nesta convocatoria deberán presentar dúas solicitudes: unha, a través da sede electrónica da Xunta de Galicia, para os efectos do rexistro oficial de entrada e a correspondente tramitación administrativa, e outra, a través da plataforma de teleformación da Secretaría Xeral da Lingua, pois esta constitúe o soporte técnico indispensable para a realización da proba en liña. A presentación da solicitude a través da sede electrónica da Xunta, https://sede. xunta.gal, realizarase a través do formulario normalizado (anexo I) da convocatoria.
Prazo: 10 días habiles.
Amplía información: 
Hoxe, 10 de agosto de 2026, publícanse no DOG as resolucións da Dirección Xeral de Xustiza polas que se adxudican destinos ao persoal que superou os procesos selectivos de promoción interna dos corpos de Xestión Procesual e Administrativa e Tramitación Procesual e Administrativa, convocados polas Ordes PJC/104/2024 e PJC/150/2024, respectivamente.
