Primeiro. Que a Resolución do 18 de outubro de 2024, da Dirección Xeral de Xustiza, pola que se regula o réxime e o procedemento da concesión de vacacións, permisos e licenzas do persoal funcionario ao servizo da Administración de Xustiza en Galicia, establece, con carácter xeral, o 31 de xaneiro do ano seguinte como data límite para o desfrute das vacacións e dos asuntos particulares correspondentes ao ano anterior, nos termos previstos na dita disposición.
Segundo. Que durante o ano 2026 está a desenvolverse o proceso de implantación da nova oficina xudicial, un cambio organizativo de especial relevancia que implica a adaptación das estruturas de traballo, a redistribución de funcións e tarefas e a necesidade de adecuar os procedementos e as dinámicas de funcionamento dos órganos xudiciais.
Este proceso supón un importante esforzo de adaptación para o persoal funcionario, que debe compatibilizar a prestación ordinaria do servizo público coa asunción das novas estruturas organizativas e coa adaptación aos cambios derivados da súa posta en funcionamento.
Terceiro. Que, ademais, está prevista a implantación do novo programa informático Atenea antes de que remate o ano 2026. A entrada en funcionamento desta aplicación suporá un novo proceso de adaptación tecnolóxica, organizativa e funcional para o persoal, que deberá familiarizarse coas novas ferramentas e procedementos de traballo, coas dificultades e necesidades de axuste que un cambio destas características pode xerar durante a súa fase inicial.
A coincidencia temporal de ambos os procesos de transformación, organizativa e informática, pode repercutir de maneira significativa na planificación dos permisos e descansos do persoal, así como na organización dos servizos e na garantía da súa continuidade.
Cuarto. Que, neste contexto excepcional, a aplicación ríxida do prazo ordinario de desfrute ata o 31 de xaneiro de 2027 pode ocasionar dificultades adicionais para que o persoal funcionario poida gozar efectivamente dos días de vacacións e asuntos particulares que lle correspondan, tendo en conta as necesidades de adaptación, formación e consolidación dos novos sistemas de traballo e a prestación do servizo público con garantías.
Por iso, considérase razoable e xustificado adoptar unha medida extraordinaria e temporal que permita compatibilizar as necesidades do servizo público coa garantía efectiva dos dereitos de descanso do persoal funcionario.
Quinto. Que a ampliación solicitada tería carácter excepcional e estaría limitada aos días de vacacións e asuntos particulares correspondentes ao ano 2026, sen pretender modificar con carácter xeral o réxime ordinario establecido na Resolución do 18 de outubro de 2024, senón dar resposta ás circunstancias organizativas e tecnolóxicas extraordinarias que concorren neste exercicio.
A extensión do prazo ata o 31 de marzo de 2027 permitiría dispoñer de dous meses adicionais respecto da data límite ordinaria do 31 de xaneiro de 2027, facilitando unha planificación máis flexible dos descansos e contribuíndo a reducir as dificultades organizativas que poidan xurdir durante a implantación e consolidación dos novos sistemas de traballo.
En consecuencia, SPJ-USO Galicia considera que a ampliación solicitada constitúe unha medida proporcionada, excepcional e temporal, debidamente xustificada polas circunstancias concorrentes durante o ano 2026, que permitiría compatibilizar as necesidades organizativas da Administración co respecto aos dereitos do persoal ao desfrute das súas vacacións e dos días de asuntos particulares.
En virtude do anteriormente exposto,
SPJ-USO SOLICITA:
Que a Dirección Xeral de Xustiza, tendo en conta as circunstancias excepcionais derivadas da implantación da nova oficina xudicial e da prevista posta en funcionamento do programa informático Atenea antes de finalizar o ano 2026, adopte as medidas oportunas para ampliar, con carácter excepcional, o prazo de desfrute das vacacións e dos días de asuntos particulares correspondentes ao ano 2026 ata o 31 de marzo de 2027, permitindo que o persoal funcionario ao servizo da Administración de Xustiza en Galicia poida gozar dos días pendentes dentro dese prazo ampliado, de acordo coas necesidades do servizo.
Así mesmo, solicítase que esta medida sexa comunicada con suficiente antelación a todos os órganos xudiciais e unidades afectadas, e publicada na intranet de Xustiza, co obxecto de garantir unha aplicación homoxénea en todo o territorio da Comunidade Autónoma de Galicia.
Amplía información e accede ó escrito presentado e xustificante de presentación:
Solicitude de Ampliación prazo asuntos e vacacións 2026 ó 31-3_signed
PERMISO PARA ACUDIR Ó EXAME DO VINDEIRO SÁBADO 
3 DE OUTUBRO (EXAMES FINAIS E PROBAS DEFINITIVAS DE APTITUDE – ART. 5)
Ante as múltiples consultas e as malinformacións que están circulando, ACLARAMOS: 
A duración é a dos días de realización, máis os necesarios para viaxar se se realizan fóra da CCAA.
Deberase xustificar a asistencia aos exames e demais probas dentro do prazo dos quince días seguintes á súa realización co certificado de asistencia que vos darán unha vez terminado o exame na sede correspondente.
A DXX ven de remitirnos a 
