No DOG de hoxe 18 de xuño de 2026 publicouse a Resolución do 11 de xuño de 2026 pola que se convocan as probas de avaliación para a obtención do certificado de competencias dixitais (ComDix) nos seus niveis de iniciación e intermedio.
Accede á RESOLUCIÓN do DOGA
Poderá participar nas probas para a obtención do certificado de competencias dixitais, nivel iniciación e intermedio (ComDix-Iniciación) e (ComDix-Intermedio), convocadas nesta resolución o persoal empregado público destinado a Administración de xustiza de Galicia, así como doutras administracións indicadas na convocatoria, que se encontre en situación de servizo activo (incluído o persoal que teñaconcedido un permiso por motivos de conciliación da vida persoal, familiar e laboral) e que reúna os requisitos establecidos nesta convocatoria e para cada un dos casos no anexo II.
Para a preparación destas probas para a obtención do certificado de competencias dixitais, nivel iniciación (ComDix-Iniciación),e nivel intermedio (ComDix-Intermedio), a EGAP porá á disposición das persoas usuarias, como material de apoio, un programa de autoformación específico que inclúe o itinerario formativo completo do nivel respectivo.
O persoal indicado anteriomente mencionado poderá acceder aos contidos das actividades do programa de autoformación, sen pasar por un proceso de selección, inscribíndose na zona de matrícula da EGAP, no enderezo <https://egap.xunta.gal/matricula>
A inscrición para o acceso aos contidos poderá facerse en calquera momento a partir do 29 de xuño de 2026, podendo acceder aos ditos contidos na aula virtual da EGAP desde a inscrición de acceso ata o 30 de decembro de 2026. As persoas participantes deberán dispoñer do software que se poida requirir na actividade convocada.
Cada persoa determinará libremente o número de actividades en que queira inscribirse e mais o período durante o cal vai traballar na actividade ou actividades do programa de autoformación elixidas.
O acceso aos contidos das actividades do programa de autoformación non implica a obriga de presentarse ás probas de certificación reguladas no anexo II, nin é tampouco un requisito para matricularse nelas. O acceso aos contidos das actividades do programa de autoformación non dá dereito á expedición do certificado de competencias dixitais (ComDix), que se obterá unicamente pola superación da proba de certificación regulada nesta convocatoria.
Datas e lugares de realización da proba para a obtención do certificado de competencias dixitais, nivel iniciación e nivel intermedio (ComDix-Iniciación) e (ComDix‑Intermedio)
O prazo de presentación de solicitudes será desde o día seguinte ao da publicación desta resolución no Diario Oficial de Galicia e ata o 26 de xuño de 2026 mediante o formulario de matrícula telemática dispoñible no enderezo <https://egap.xunta.gal/matricula> desde as 9.00 horas da data de inicio do prazo de presentación de solicitudes e ata as 14.00 horas da data de finalización. As solicitudes entenderanse presentadas unha vez que se complete correctamente o proceso de matriculación.
Calendario das probas
Sigue leyendo →
Cursos homologados por INAP nacional, válidos para OPOSICIÓNS, CONCURSOS, BOLSAS DE INTERINOS, etc…
Os cursos realizaranse do 16 DE SETEMBRO Ó 31 DE OUTUBRO DE 2026.
CURSOS DE 60 HORAS:
