SPJ-USO ESIXE SOLUCIÓN INMEDIATA A INCIDENCIA COA BOLSA DE HORAS
SPJ-USO, logo de que moitos compañeiros e compañeiras de toda Galicia nos comunicarades o problema xurdido en relación co exceso horario correspondente ao mes de febreiro, consistente en que ditas horas non aparecían reflectidas na bolsa de horas, ven de presentar escrito o pasado luns dia 13 de marzo, esixindo a Dirección Xeral de Xustiza que tramite inmediatamente a oportuna incidencia, co fin de proceder a súa subsanación, de xeito que o persoal de Xustiza poda facer uso das mesmas cando estime preciso.
No mesmo escrito, tamén interesamos que unha vez solucionado o tema, se colgue a oportuna nota na intranet de Xustiza para garantir a correcta información a todo o persoal, sen prexuízo de que SPJ-USO, como sempre, vos informará persoalmente nos vosos centros de traballo.
