Respecto da FORMACIÓN RETRIBUÍDA MEDIANTE PROLONGACIÓN DE XORNADA DOS NOVOS FUNCIONARIOS (TITULARES E INTERINOS), fai pouco mais de un ano que se puxo en funcionamento este sistema, sendo as titorías retribuídas para formación unha histórica reivindicación comandada dende hai anos por SPJ-USO, que por fin viu a luz, e acordándose facelas mediante prolongacións de xornada por un mes prorrogable a 2 meses (en casos xustificados) con preferencia entre funcionarios do mesmo órgano (de haber varios interesados será o letrado o que propoña a un dos solicitantes) e a solicitude motivada do letrado que se remitirá á Dirección Xeral de Xustiza, baseada na chegada de funcionarios sen experiencia ou similar, e na que se proporá ó candidato á prolongación.
Acordouse igualmente na mesa sectorial de Xustiza que ó rematar a prolongación deberase remitir “certificación mensual do LAX que acredite a realización do traballo vía mail.
Pois ben, dende SPJ-USO poñemos en coñecemento da DXX que o sistema acordado nun primeiro momento funcionou bastante correctamente, mais vimos detectando nos últimos tempos que a arbitrariedade na concesión ou denegación das prolongacións de xornada estase impoñendo entre os criterios desa DXX e estanse a denegar prolongacións con excusas tan inauditas como “o funcionario ten experiencia no corpo” cando non se ten experiencia previa na orde xurisdiccional, ou “o funcionario nomeado aprobou outra oposición e probablemente dure pouco no destino”, que mais que un criterio parece unha excusa.
En resumo, que á vista de que na actualidade se están a denegar multitude de prolongacións de xornada de formación, e achegándose a toma de posesión no concurso de traslados tamén de novos funcionarios, solicitamos se convoque mesa sectorial para negociación dos criterios a aplicar na concesión/denegación destas prolongacións, ou noutro caso se publiquen unhas instruccións claras ás que aterse, para que non siga a pasar a realidade actual, que é que logo de formar a un compañeiro, e dado que a DXX non notifica a denegación da prolongación, e ademais a prolongación retribúese e cúmprese no mes natural seguinte á incorporación do novo funcionario, resulta que non se recibe compensación algunha por esa formación.
Solicitamos uns criterios claros e unha resposta áxil da DXX nas concesións/denegacións das prolongacións de xornada.
Amplía información e accede ó Escrito Prolongacións de Xornada
