Archivos de la categoría ACCIÓN SOCIAL

ACCIÓN SOCIAL 2025: LISTAXES PROVISIONAIS DE ADMITIDOS

Hoxe día 5 de setiembre de 2025 mantivemos reunión coa DXX na cal déusenos a coñecer os datos das listaxes provisionais das solicitudes admitidas e excluídas correspondentes ás axudas do fondo de acción social do ano 2025.

Os datos que nos proporcionou a DXX son os seguintes:

NÚMERO TOTAL DE SOLICITUDES PRESENTAS: 147,  das cales, 133  son solicitudes simples e 14 dobres.

NÚMERO TOTAL DE BENEFICIARIOS: 161

SOLICITUDES ADMITIDAS PROVISIONALMENTE: 135 que corresponden a 148 beneficiarios. 

SOLICITUDES DENEGADAS: 12 as cales corresponden a 13 beneficiarios.

Asimesmo, a DXX infórmanos de que  ao longo do mes de setembro será remitido ó DOG para a súa publicación. Lembrade que dende o día seguinte á súa publicación disporedes de 10 días hábiles para a subsanación de defectos.

 A data de pagamento, como todos os anos,  será o longo do mes de outubro.

 Dende SPJ-USO lamentamos que a Xunta de Galicia manteña, un ano máis, os recortes na convocatoria de acción social para o noso colectivo e tentaremos que por tódolos medios ó noso alcance recuperar programas de acción social como son axuda por fillos, por estudios, transporte, etc.

Igualmente seguiremos loitando pola subida da porcentaxe da masa salarial destinada a este fin ata alcanzar o 1 %.

POR UNHA ACCIÓN SOCIAL DIGNA!!!!

_Para calquer dúbida ou aclaración non dubides en contactar c@s delegad@s sindicais de SPJ-USO._

SPJ-USO: _Pioneiro e impulsor da Carreira profesional na Xustiza!!!_ 

        FEITOS, _non palabras!!!_

A DXX ven de remitir convocatoria  para a celebración, a través do sistema de videoconferencia, da comisión de acción social, na data e hora que se indica:

Data: 08/09/2025

Hora: 09.30h.

Lugar:  mediante videoconferencia.

ORDE DO DÍA:

1. Aprobación, se procede, da acta da reunión anterior.

2. Listaxes provisionais das solicitudes admitidas e excluídas correspondentes ás axudas do fondo de acción social do ano 2025.

ANEXOS:

– Acta da comisión de acción Social do 23.04.2025

PUBLICADA NO DOG CONVOCATORIA DO FONDO DE ACCIÓN SOCIAL 2025

RESOLUCIÓN do 5 de maio de 2025, da Dirección Xeral de Xustiza, pola que se dá publicidade á convocatoria e aos criterios de repartición do Fondo de Acción Social do ano 2025 para o persoal ao servizo da Administración de xustiza con destino na Comunidade Autónoma de Galicia.

CONVOCATORIA DE ACCIÓN SOCIAL 2025

 PRAZO DE PRESENTACIÓN DE SOLICITUDES: 15 DIAS HÁBILES – ATA O 3 DE XUÑO INCLUSIVE.

 Ámbito persoal e beneficiarios:

Poderán solicitar as axudas os funcionarios de carreira e interinos dos seguintes corpos ao servizo da Administración de xustiza: médicos forenses, xestión procesual e administrativa, tramitación procesual e administrativa e auxilio xudicial.

O persoal referido no parágrafo anterior deberá estar, no prazo de presentación das solicitudes, en situación de servizo activo ou de excedencia por coidado de fillos/as ou de excedencia por coidado de familiares e ter destino nesta comunidade autónoma, así como reunir os restantes requisitos exixidos por este programa de atención de persoas con discapacidade do Fondo de Acción Social.

 Tamén poden solicitar a axuda: 

a) Aquelas persoas que prestasen servizos como persoal funcionario interino da Administración de xustiza nesta comunidade autónoma durante o período comprendido entre o final da acción social do ano pasado (día 26.6.2024) e a finalización do prazo de presentación de instancias desta convocatoria.

b) O persoal funcionario de carreira da Administración de xustiza que durante o período comprendido entre o final da acción social do ano pasado (26.6.2024) e a finalización do prazo de presentación de instancias desta convocatoria prestase servizos nesta comunidade autónoma e se xubilase durante o dito período.

 TERÁN A CONDICIÓN DE BENEFICIARIOS

a) Os/as solicitantes con discapacidade física, psíquica ou sensorial igual ou superior ao 33 % que reúnan os requisitos establecidos nas epígrafes anteriores.

b) Os/as solicitantes que, reunindo os requisitos establecidos nas epígrafes anteriores, teñan baixo a súa dependencia directa e legal, e vivindo ás súas expensas, cónxuxe, parella de feito, fillos/as, ascendentes de primeiro grao por consanguinidade ou afinidade ou persoas tuteladas por sentenza xudicial firme con discapacidade física, psíquica ou sensorial igual ou superior ao 33 %.

No caso de que a persoa beneficiaria teña baixo a súa dependencia directa e legal, e vivindo ás súas expensas, máis dunha persoa que cumpra os requisitos anteriores, percibirá a axuda para cada unha.

 Prazo de presentación de solicitudes:

O prazo de presentación de solicitudes será de quince (15) días hábiles contados a partir do día seguinte ao da publicación desta convocatoria no Diario Oficial de Galicia.

 Solicitude e formas de presentación:

As persoas solicitantes deberán completar obrigatoriamente o formulario electrónico da solicitude a través da OPAX (Oficina Virtual do Persoal da Administración de Xustiza), no enderezo web opax.xunta.es.

ACCEDE A RESOLUCIÓN DO DOG: 

RESOLUCIÓN CONVOCATORIA ACCIÓN SOCIAL 2025

ACCIÓN SOCIAL 2025

XUNTAZA COA DXX

Hoxe 23 de abril de 2025, mantivemos reunión ca Dirección Xeral de Xustiza, na cal se nos presentou o borrador da Acción Social, sendo unha copia calcada o dos de anos anteriores, remontándonos ó ano 2011 !!

Dende SPJ-USO, mostramos o noso rexeitamento ó borrador, INSTANDO A DXX A SÚA RETIRADA e que se recollan e inclúan nun novo  as alegacións feitas por este sindicato na reunión de hoxe, como son:

A REPOSICIÓN DOS PROGRAMAS EXISTENTES ANTES DO ANO 2021, É DICIR:

1º AXUDA POR FILLOS

2º AXUDA DE ESTUDOS DE FUNCIONARIOS E FILLOS

3º A INCLUSIÓN DE ENFERMEDADES CRÓNICAS COMO PODEN SER A ENFERMIDADE DE  KRON, etc…

4º E POR SUPOSTO MANTENDO O ÚNICO PROGRAMA QUE HAI NA ACTUALIDADE, O DE DISCAPACIDADE.

E todo isto chegando o 1% da masa salarial, e non aportando a ridícula cantidade de 21.911 euros, nun colectivo de máis de 2.500 funcionarios, cando no ano 2011 sobrepasou os 200.000 euros.

Somos das poucas CCAA que seguimos cunha acción social de vergoña cun único programa e coa misma cantidade desde fai mas de 10 anos.

Dende SPJ-USO, seguiremos apostando por asistir a tódalas mesas de negociación en aras de seguir intentando mellorar as condicións de traballo tanto laborais como económicas, e non como fan outros sindicatos ca non presencia dos mesmos nas reunións.

A vista das alegacións presentadas por parte das Organizacións Sindicais, concretarase a data da publicación no doga.

Dende SPJ-USO lamentamos que a Xunta de Galicia manteña un ano mais os recortes na convocatoria de acción social para o noso colectivo e tentaremos por tódolos medios ó noso alcance recuperar outros programas de acción social como son fillos, estudios, enfermidade de Kron,  etc…..

Igualmente seguiremos loitando pola subida da porcentaxe de masa salarial destinada a este fin.

 POR UNHA ACCIÓN SOCIAL DIGNA XA!!!