Trala presión exercida por SPJ-USO en relación ás altas temperaturas das sedes xudiciais como o Edificio Vello de A Parda e o da Audiencia Provincial de Pontevedra, entre outros, a DXX infórmanos textualmente:
«Ante as solicitudes recibidas en relación coa situación da climatización en distintas sedes xudiciais, así como respecto da adopción de medidas provisionais mentres non se complete unha solución integral, estase realizando un seguimento polos órganos competentes, os cales están analizando distintas alternativas de actuación para paliar, con carácter provisional, as temperaturas elevadas que poidan rexistrarse en determinadas dependencias.
En particular, estase valorando a viabilidade técnica e material de medidas temporais que permitan mellorar as condicións térmicas dos espazos afectados, incluída a posible utilización de equipos portátiles de climatización, tendo en conta as características de cada inmoble, a configuración das fiestras, a dispoñibilidade de equipos e as necesidades de instalación ou adaptación que puidesen resultar necesarias.
No que atinxe ás actuacións tratadas na reunión do día 9 de xuño, acordouse ir valorando a situación edificio por edificio, revisando cada caso concreto para determinar se as actuacións necesarias teñen encaixe en obras de eficiencia previstas ou en curso, dado que deben cumprirse determinadas condicións técnicas e materiais para poder executar as solucións que resulten procedentes.
Deste xeito, as actuacións estanse a desenvolver seguindo criterios técnicos, co obxectivo de priorizar aquelas sedes, edificios ou dependencias que presenten unha situación máis sensible. Neste sentido, prevese dotar de aparellos aos espazos nos que, atendidas as súas circunstancias concretas, resulte máis necesaria unha actuación provisional.
Somos conscientes da importancia de garantir unhas condicións axeitadas de traballo e de previr situacións que poidan afectar ao benestar do persoal destinado nas sedes xudiciais. Por iso, daráselle prioridade ao seguimento desta incidencia e á adopción das solucións provisionais que resulten viables mentres se avanza na mellora das condicións de climatización dos edificios afectados.
Quedamos á súa disposición para mantelos informados de calquera novidade relevante.»
Dende SPJ-USO xa viñamos reclamando que a DXX tomáse medidas inmediatas para cumplir coa normativa en materia de prevencións de riscos advertindo sobre esta problemática.
Deixamósvos a continuación acceso a dúas entradas, entre outras, nas que tratamos esta cuestión:
🔗https://spjusogalicia.com/spj-uso-esixe-coa-antelacion-suficiente-para-evitar-escusas-que-se-cumpla-coa-normativa-de-prevencion-de-riscos-nos-xulgados-vellos-da-parda-e-da-audiencia-provincial-de-pontevedra/
🔗https://spjusogalicia.com/%f0%9f%93%a2%f0%9f%94%8a-spj-uso-esixe-solucions-inmediatas-respecto-da-climatizacion-dos-edificios-de-a-parda-e-audiencia-provincial-de-pontevedra%e2%80%bc%ef%b8%8f/
SPJ-USO: Estaremos vixiantes e esixiremos as medidas solicitadas; FEITOS, non palabras‼️
Publicada na intranet de Xustiza (https://intranet.xustiza.gal) e mais na web da Consellería de Presidencia e Xustiza e (https://cpxt.xunta.gal/xustiza/persoal/comisions-servizo) a Resolución da Dirección Xeral de Xustiza, pola que se publican as adxudicacións provisionais de postos de traballo entre persoal funcionario dos corpos e escalas ao servizo da Administración de xustiza convocados o 
10/06/2026.
días hábiles.
Amplía información e accede á resolución: 
