Archivo diario: 09/06/2017

VER ESCRITO PRESENTADO Logo de acadar que a Dirección Xeral de Xustiza modificase o horario de verán para permitir a fichaxe desde as 07:30 horas, SPJ-USO non se rende e segue loitando por mellorar as condicións dos nosos compañeiros e compañeiras na xornada estival.

Por iso, seguimos esixindo a modificación dos acordos de prolongación de xornada, de xeito que durante a vixencia da xornada de verán, o persoal só teña que cumprir 35 horas semanais, e non 40 como ocorre ata agora.

SPJ-USO, ademais de reiterar por escrito a petición que xa fixemos en anos anteriores e o 15 de marzo deste mesmo ano, segue traballando no tema a todos os niveis, facendo cada día as xestións necesarias na propia DXX para que a nosa presión de o seu froito.

Entendemos que xa que a entrada en vigor do horario de verán non se produce ata o vindeiro venres día 16 de xuño, temos un marxe estreito pero suficiente para que a DXX ceda e acorde a redución solicitada  e a publique na intranet para coñecemento xeral do persoal.

Recordamos as inapelables razóns nas que baseamos a nosa esixencia:

• A situación actual é profundamente discriminatoria, xa que ademais de supoñer o triplo de aumento da xornada para cobrar a mesma cantidade pola prolongación, súmase o feito de que os compañeiros dispoñen de unha hora menos de marxe horaria para cumprir coa súa xornada aumentada.
• A maioría de acordos de prolongación distribúense de xeito rotatorio entre os funcionarios polo que aínda por riba se produce un claro agravio comparativo mesmo entre o persoal do mesmo Órgano xudicial dependendo de se lle toca a prolongación en xornada de verán ou inverno.

            SPJ-USO , SINDICATO MAIORITARIO NA XUSTIZA GALEGA

           FEITOS, NON PALABRAS