No DOG de hoxe publícase RESOLUCIÓN do 17 de outubro de 2023, da Secretaría Xeral de Política Lingüística, pola que se fixan as datas de realización das probas para a obtención dos certificados de lingua galega, niveis Celga 2, 3 e 4, que foron convocadas mediante a Resolución do 4 de agosto de 2023.
As probas terán lugar na segunda quincena de novembro e, de ser o caso, na primeira de decembro de 2023, sempre que ningunha circunstancia excepcional o impida.
– Celga 4, en Santiago de Compostela e en Ponferrada:
– 18 de novembro de 2023, para as persoas admitidas cuxo primeiro apelido empece por algunha das seguintes letras: V, W, X, Y, Z, A, B, C, D, E, F e G.
– 19 de novembro de 2023, para as persoas admitidas cuxo primeiro apelido empece por algunha das seguintes letras: H, I, J, K, L, M, N, Ñ, O, P, Q, R, S, T e U.
– Celga 3, en Santiago de Compostela e en Ponferrada:
– 25 de novembro de 2023, para todas as persoas admitidas.
– Celga 2, en Santiago de Compostela e en Ponferrada:
– 26 de novembro de 2023, para todas as persoas admitidas.
Os centros de realización das probas serán:
– En Santiago de Compostela: o IES Antonio Fraguas Fraguas.
– En Ponferrada: a Escola Oficial de Idiomas desta localidade.
