O CAT POR FIN VOLVE ÁS NOSAS NÓMINAS
NO DOGA PUBLICASE HOXE ORDE do 10 de febreiro de 2017 pola que se ditan instrucións sobre a confección de nóminas do persoal ao servizo da Administración autonómica para o ano 2017.
De acordo co disposto no artigo 23 da Lei 1/2017, do 8 de febreiro, de orzamentos xerais da Comunidade Autónoma de Galicia para o ano 2017, os funcionarios dos corpos ao servizo da Administración de xustiza que desempeñen as súas funcións no ámbito competencial da Comunidade Autónoma de Galicia percibirán as retribucións previstas na Lei de orzamentos xerais do Estado para o ano 2017, cando se aprobe esta, e mentres tanto serán de aplicación as retribucións previstas na Lei de orzamentos xerais do Estado para o ano 2016 que se encontran prorrogados, e na restante normativa que lles sexa de aplicación.
