Conciliación da vida laboral, persoal e familiar veu para quedar, porque é unha realidade innegable, que estamos a vivir, con nome de pandemia, sen medidas de conciliación, reais e efectivas, que deixan en xaque mate as nosas vidas, en todos os sentidos e, polo tanto, que é unha materia pendente e ineludible, con moito traballo por diante.
No ámbito de Administración de Xustiza, desde SPJ-USO vimos demandando esta necesidade de conciliar desde hai tempo, reclamando a constitución da correspondente MESA DE CONCILIACIÓN NA XUSTIZA GALEGA para negociar diferentes medidas. Non chegou a tempo e sorprendeunos un virus cos deberes sen facer.
SPJ-USO, como medida fundamental, apostaba pola implementación do teletraballo, e non se equivocaba, comprobada está a boa acollida e os positivos resultados, a pesar de termos que botar man da improvisación, ante a dita falta de regulación. Pero agora mesmo falar só de teletraballo é insuficiente, son necesarias máis medidas que consideramos que deben adoptarse con carácter de extraordinarias e urxentes, á altura das circunstancias presentes.
Ante o novo panorama en que nos atopamos e dado, ata o momento, o silencio da DXX, este sindicato mostra a súa preocupación porque son moitas ás dúbidas sen resposta.
Por iso, INSTAMOSLLE á Administración para que mostre unha rápida predisposición e vontade para dar solucións, en forma de MEDIDAS DE CONCILIACIÓN, URXENTES E EXTRAORDINARIAS, acordes coa situación actual de perigo da “nova normalidade”, REITERÁNDONOS NAS SEGUINTES PETICIÓNS, para os efectos de:
1.- A CONTINUIDADE DO TELETRABALLO, como parte das medidas de conciliación urxentes a negociar, xa a que dia de hoxe aínda non consta ningunha regulación específica, e xa é hora de regular un método de traballo que chegou para quedar. A día de hoxe hai 300 persoas teletraballando e necesitamos unha regulación específica. A DXX deberá establecer o reembolso ou compensación dos costes variables, electricidade, equipos informáticos e o seu mantemento…
2.- NEGOCIAR sobre FLEXIBILIDADE HORARIA, que favoreza a conciliación permitindo adaptar a xornada laboral en caso de funcionarios con fillos menores de 12 anos, persoas dependentes a cargo, a consecuencia da COVID, debidamente xustificado; sistemas de compensacións de días e horas.
3.- A CONTINUIDADE DO HORARIO ACTUAL DE 6 HORAS, facilitando a flexibilidade horaria para que sexa compatible coa conciliación familiar.
4.- NOVOS PERMISOS EXCEPCIONAIS polo tempo indispensable, a consecuencia do COVID, debidamente xustificados e adaptación ante situacións de fillos menores, incapacitados o maiores dependentes que deban quedarse en aislamento domiciliario, ben porque cerre o centro escolar, centro de día, etc. 5.- CONCEDER O DESFRUTE DE ASUNTOS PARTICULARES E VACACIÓNS, ata o 30 de abril de 2021, para os efectos da organización laboral e familiar
VER ESCRITO PRESENTADO.-
