INFORMACIÓN IMPORTANTE e DEFINITIVA SOBRE OS TRASLADOS NO EDIFICIO DE «A PARDA» EN PONTEVEDRA.
ℹ️➡️ A DXX, nunha nova mostra de desprezo absoluto para cos seus propios traballadores, non tivo a delicadeza tan sequera de informar ás organizacións sindicais do acordado sobre os traslados, pese a ser requerida a información por SPJ-USO.
📣📣 Tralas múltiples pesquisas, fontes consultadas por este Sindicato confírmannos que ó fin, o acordado é DEFINITIVO, e respecto dos traslados no Edificio antigo de A Parda:
🔴 Os traslados faranse na 🗓️ semana posterior a Semana Santa, semana do 6 ó 10 de abril para non interferir co periodo estival, e realizaranse en 2 ou 3 días máximo.
🔴 Na planta 1 quedarán os 3 Xulgados de Instrucción, ocupando o persoal da praza de Instrucción 3 a ubicación física que actualmente ocupa o persoal do antigo Xulgado do Penal número 1.
🔴 A pranta segunda será ocupada polos funcionarios pertententes a TRAMITACIÓN PENAL, incluído o antigo Xulgado de Menores e Vixiancia Penitenciaria, así como os Auxilios destes Xulgados.
🔴 A pranta terceira será ocupada polos funcionarios pertencentes a EXECUCIÓN PENAL.
🔴 E na pranta cuarta continuará a Fiscalía Provincial.
🔴 Prevese que os funcionarios do corpo de Auxilio se ubiquen nas salas que hai en tódalas prantas na entrada á dereita, coa excepción da pranta primeira (Instrucción) e dos auxilios de Menores e Vixiancia.
📣📣 RESPECTO DOS TRASLADOS RELATIVOS Ó NOVO EDIFICIO DE A PARDA (CIVIL, CONTENCIOSO, SOCIAL, MERCANTIL), prevese que o servizo de EXECUCIÓN se mudará á planta 4 do edificio, aínda que esa mudanza se prevé que se dilate no tempo por temas «burocráticos».
▪️ SPJ-USO Pontevedra: Manterémosvos puntualmente informados.
