Crearanse 24 novas prazas de funcionarios da Administración de Xustiza para os 3 novos xulgados que entrarán en funcionamento en 2023, que son Xulgados de Primeira Instancia nº6 de Lugo, nº15 da Coruña e nº16 de Vigo.

A xunta anunciou na Comisión Mixta de Xustiza  que creará 24 prazas de funcionarios de Administración de Xustiza para dotar do persoal necesario os tres novos xulgados que se porán en marcha o próximo ano na comunidade.

Trátase dos xulgados de Primeira Instancia nº6 de Lugo, nº15 da Coruña e nº16 de Vigo que o Ministerio de Xustiza incluirá no proxecto de real decreto de creación das unidades xudiciais correspondentes á programación de 2022. As tres unidades forman parte da proposta presentada en consenso pola Xunta e o TSXG nunha reunión anterior desta Comisión Mixta de Xustiza. Nesa relación presentada ao Executivo central tamén figuraban dous maxistrados da sección penal -un na Audiencia Provincial da Coruña e outro na de Pontevedra- que deben ser creadas polo Goberno central e que están pendentes de que se confirme se formarán parte da programación.

Sigue leyendo →