No día de hoxe, martes 17 de decembro, publícase no BOE, resolucións da Dirección Xeral de Seguridade Xurídica e Fe Pública, pola que se acorda a entrada en servizo efectiva da aplicación informática Dicireg na Oficina do Rexistro Civil do Partido Xudicial de Verin e Arzua.
1.- Apróbase a entrada en servizo efectiva, nas oficinas do Rexistro Civil do partido xudicial de Verín, que comprende a Oficina Xeral do Rexistro Civil de Verín e ás oficinas colaboradoras do Rexistro Civil da Gudiña, A Mezquita, Castrelo do Val, Cualedro, Laza, Monterrei, Oímbra, Riós e Vilardevós, da aplicación informática denominada DICIREG, do Ministerio da Presidencia, Xustiza e Relacións coas Cortes, que permite o funcionamento do Rexistro Civil conforme ás previsións contidas na Lei 20/2011, do 21 de xullo, ás 00:00 horas do 20 de xaneiro de 2025.
2.- Apróbase a entrada en servizo efectiva, nas oficinas do Rexistro Civil do partido xudicial de Arzúa, que comprende a Oficina Xeral do Rexistro Civil de Arzúa e ás oficinas colaboradoras do Rexistro Civil de Boimorto, Melide, O Pino, Santiso, Toques e Touro, da aplicación informática denominada DICIREG, do Ministerio da Presidencia, Xustiza e Relacións coas Cortes, que permite o funcionamento do Rexistro Civil conforme ás previsións contidas na Lei 20/2011, do 21 de xullo, ás 00:00 horas do 10 de febreiro de 2025.
ACCEDE AS RESOLUCIÓNS PUBLICADA NO BOE
