Xunta e TSXG acordan solicitar ao Ministerio a creación de tres novos xulgados do social en Vigo, Lugo e Santiago de Compostela

O vicepresidente da Xunta, na reunión da Comisión Mixta entre a Administración autonómica e o TSXGA proposta adoptouse no seo da Comisión Mixta entre a Administración autonómica e o Tribunal Superior de Xustiza de Galicia, seguindo datos obxectivos de carga de traballo e pendencia

Ademais desta petición, solicitarán tamén un xulgado de primeira instancia para Coruña, catro xuíces de Adscrición territorial e un maxistrado para a Audiencia provincial da Coruña

Esa foi a proposta acordada hoxe no seo da reunión da Comisión Mixta entre o Tribunal Superior de Xustiza de Galicia (TSXG) e a Xunta de Galicia, na que participaron o vicepresidente do Goberno galego, Alfonso Rueda, e o presidente do TSXG, Miguel Ángel Cadenas.

Na última Conferencia Sectorial, Galicia solicitou ao Ministerio de Xustiza a creación de novos xulgados. En resposta a esta solicitude, o Goberno estatal vén de trasladar que Galicia poderá contar con tres unidades xudiciais, unha cifra que a Administración Autonómica considera insuficiente.

Tendo en conta os datos obxectivos de cargas de traballo e pendencia, Xunta e TSXG acordaron priorizar o reforzo dos xulgados do Social, que é a xurisdición con máis carga de traballo. Por iso, solicitarase creación destes xulgados en Vigo, Lugo e Santiago de Compostela, que a Xunta está en disposición de poñer en marcha en canto o Ministerio faga efectiva a súa creación por decreto.

Con todo, Galicia trasladaralle ao Ministerio a necesidade de crear novos xulgados e a súa disposición a poñer en marcha aínda máis unidades xudiciais, a maiores das solicitadas, se algunha comunidade autónoma renuncia ás súas ou se se decide finalmente crear un maior número.

Cómpre recordar que o ano pasado creáronse un xulgado do Social na Coruña; un xulgado de Primeira Instancia en Ferrol; outro de Primeira Instancia en Ourense; e outro en Vigo, especializado en Familia.

Los comentarios están cerrados.