Conforme vos informamos na nota informativa da mesa sectorial de xustiza do xoves 24 de outubro, e trala multitude de sentencias gañadas pola asesoría xurídica de SPJ-USO e os múltiples escritos presentados, no día de hoxe, comunicase pola DXX que o proxecto de acordo para que os xestores procesuais-secretarios de xulgados de paz (IV-D), puidesen percibir a cantidade correspondente a un punto, contan co informe favorable das Direccións Xerais de Planificación e Orzamentos e da Función Pública, cuxa competencia a estes efectos ven establecida polos artigos 14 e 16 da Lei 2/2015, do emprego público de Galicia, e os artigos 20 e 22 do Decreto 30/2017, do 30 de marzo, polo que se establece a estrutura orgánica da Consellería de Facenda.
Comunicada por ambas Direccións Xerais a conformidade coa proposta de acordo que se xunta no anexo, a DXX danos traslado desta para que, no prazo de 5 días hábiles, comuniquemos se estamos de acordo coa dita proposta.