O CGPJ decide situar en Vigo o terceiro xulgado do Mercantil da provincia de Pontevedra

spjusoinforma3Non houbo sorpresas e, como se prevía, Vigo será a sede do terceiro Xulgado do Mercantil da provincia de Pontevedra.

Esta decisión, a bo seguro, levantará ampolas na capital, Pontevedra, dende onde sempre se reclamou este novo xulgado ao entender que separalos só implicará maiores problemas para o seu funcionamento.

O conselleiro de Presidencia, Administracións Públicas e Xustiza, Alfonso Rueda, manifestaba nas últimas horas o seu «si categórico» a favor de que Vigo contase cun Xulgado do Mercantil». De feito, chegou a asegurar que se o CGPJ o concedía, comezaría a traballar «ao día seguinte» para habilitar os locais necesarios para o seu funcionamento. Locais que terán que ser provisionais, xa que de momento nada se sabe sobre a nova Cidade da Xustiza.

Dende SPJ USO esperamos que pola Conselleria se tomen as medidas oportunas para que o novo Xulgado poida comezar a funcionar na data prevista nuns locais axeitados, dotados de todos os elementos materiais e persoais que sexan necesarios, para o bo desenvolvemento da actividade xudicial

Este último comentario serve tamén para todos os xulgados que empezarán a funcionar no mes de decembro.

Los comentarios están cerrados.