ACTUALIDADE DA ADMON. DE XUSTIZA EN GALICIA

NOVA OFICINA XUDICIAL

A pretensión da Admón. Galega é a de iniciar experiencias piloto para a implantación da NOJ para finais deste ano e durante o ano 2010, en paralelo coa implantación da nova oficina xudicial do Ministerio de Xustiza.

Para o cal se crearían, nunha primeira fase, os chamados “Servizos Comúns Xenerais” nos que se incluirían os actuais Servizos Comúns (SCNE, Servizo de Presentación de escritos, Servizo de Apoio e Servizo de Atención ao Cidadán e á Vítima), así como aqueles novos servizos que se poidan crear, como poderían ser o de Servizos Postais e Arquivos, etc.

ARQUIVOS TERRITORIAIS E XUNTAS DE EXPURGO

En relación coas Xuntas de Expurgo, cuxo decreto de constitución foi publicado no DOG do pasado 11 de marzo, a adm.ón mostra a súa disposición á súa implantación a curto prazo.

Nun a primeira fase constituiríase unha “comisión de expurgo” e nunha segunda fase procederíase a unha negociación efectiva dos seus equipos.

Dende SPJ-USO solicitamos en escrito presentado ante a DXX que tanto para os arquivos territoriais coma para as Xuntas de Expurgo, os seus equipos estean formados por funcionarios da Admón. de Xustiza.

NOVAS BOLSAS INTERINOS E TRIENIOS INTERINOS

A DXX maniféstanos que quere ter publicados os listados provisionais durante o mes de xullo para que entren en vigor os chamamentos da nova bolsa antes de que finalice este ano.

En relación co aboamento dos trienios ao persoal interino, SPJ-USO presentou no mes de maio ante a DXX escrito denunciando as condicións e deficiencias detectadas no aboamento dos trienios ao persoal interino e solicitando que se lle emitise a cada interesado un certificado que expresase con claridade o tempo de servizos efectivos cos trienios correspondentes.

Ante esta solicitude, a DXX contéstanos que para o mes de setembro ou outubro esperan remitir unha certificación individual de servizos prestados (modelo F-9), similar aos que se remiten aos funcionarios titulares, no que se expresará, ao pé da certificación, os recursos aos que se poderán acoller aqueles que mostren desconformidade coa certificación recibida.